Solrenning | Dale-Gudbrands Gard | Hundorp2021

Solrenning - arkeologisk utstilling

Gudbrandsdalen har ei rik kulturhistorie – men dei mest verdifulle funna gjort på Dale-Gudbrand har aldri vore vist til publikum i Gudbrandsdalen. No visast dei fram, på Hundorp!

}

15. juni - 1. september kl. 12.00-18.00

Dale-Gudbrands gard

p

Formidlingstidspunkt:

}

5. juli til 15. aug: kvardager 13.00-14.00

}

5. juli til 15. aug: laurdag/søndag 13.00-14.00 og 16.00-17.00

}

15.-31. aug: kvar dag kl 13.00-14.00

Velkomen til ei historisk utstilling av historiske dimensjonar! I ein spesialbygd container vil Gudbrandsdalsmusea vise fram over tusen år gamle arkeologiske funn frå Sør-Fron og frå fjellet. Dei blir vist fram for fyrste gong no.

Funna er til dagleg trygt plassert i magasin på Kulturhistorisk museum i Oslo, men no kjem dei heim! 

Kulturminnefunna frå Kjorstad i Ryssland og Hundorp er mellom dei finaste her til lands og verdt eit besøk!

Utstillinga viser gravfunn frå fire område, tre i Sør-Fron og frå Mørstadstølen i Valdres. I tillegg visast det ut tre gjenstandar frå middelalderen og funn frå store gardvald på Sør-Fron, i Ryssland og Hundorp. Storbonden eller kanskje hovdingen fekk med seg både sverd, spjut og bissel i grava, men også ei saks og ein ljå som viser til gardsdrifta.

Gjenstandane frå Kjorstad og Hundorp er praktfunn i arkeologisk samanheng. Dei fortel om stor lokal makt og rikdom gjennom fleire hundre år før år 1000 – om velstand og kunstnargivnad, men også om daglegliv og fest, og ikkje minst om gravskikkar i tida før Kvitekrist kom til

I heile sommar kan du bli med ein av våre dyktige formidlarar innom utstillinga. Det blir óg tid til Tusenårsstien og Olavssoga. 

Oppmøte ved Pilgrimssenter/Gardsbutikk.

Formidlinga er gratis for enkeltpersonar og familiar.
Gruppepris kr 50,- per person, formidling for gruppar må bestillast på førehand.

Ikkje gå glipp av denne historiske utstillinga! Utstillinga er ope kvar dag frå 15. juni til 1. september.

 

kontakt oss

Bjørn Kjellsson Sletten
Prosjektleiar
tlf 974 71 997
bjorn.sletten@sor-fron.kommune.no

Stian Stø Dørum
Prosjektmedarbeidar
tlf. 975 31 345
stian.sto.dorum@sor-fron.kommune.no

følg oss

norge i tusen år

Norge i tusen år